بەگوێرەی ڕۆژنامەی بیڵدی ئەڵمانی، ناکۆکی لەنێوان بایرن میونشن و دایۆ ئۆپامێکانۆی بەرگریکاری فەرەنسی سەریهەڵداوە لەسەر وردەکارییەکانی نوێکردنەوەی گرێبەستەکەی.
لە ڕاپۆرتەکەدا دووپاتی کردەوە کە هەردوولا نزیکن لە ڕێککەوتن لەسەر مووچەی بنەڕەتی، بەڵام هێشتا دانوستانەکان وەستاون بەهۆی ناکۆکییەکان لەسەر پاداشتی واژۆکردن ئۆپامێکانۆ داواکارییەکانی لەسەر بنەمای ئەو قەرەبووکردنەوەی داراییە دامەزراندووە کە ئەلفۆنسۆ دەیڤزی هاوڕێی لە کاتی نوێکردنەوەی گرێبەستەکەیدا وەریگرتووە، کە بە ١٧ ملیۆن یۆرۆ مەزەندە دەکرێت.
لای خۆیەوە ئیدارەی بایرن میونشن ڕەتیدەکاتەوە ئەم ژمارەیە دووبارە بکاتەوە، بەو پێیەی ناتوانرێت وەک پێوەرێکی یەکگرتوو بۆ سەرجەم یاریزانانی تیپەکە وەربگیرێت.