چەندین ڕاپۆرتی بیانی ئاشکرایان کردووە کە فیلمی “One Battle After Another”ـی ئەستێرەی جیهانی لیۆناردۆ دیکاپریۆ، براوەی خەڵاتی ئۆسکار، نزیکە لە لەدەستدانی ١٠٠ ملیۆن دۆلار لە شەڕی داهاتەکانی ئێستای، لە کاتێکدا فیلمێکی وەک “Smashing Machine” بەهۆی بودجەی زەبەلاحەوە تووشی کێشە بووە.
بەگوێرەی ڕاپۆرتێکی ڕۆژنامەی ڤرایتی، رەنگە فیلمەکە نزیکەی ١٠٠ ملیۆن دۆلار زیان بکات بەهۆی قەرەباڵخیی فیلمەکان لە بۆکس ئۆفیسدا و بەهۆی ئەو بودجە زەبەلاحەی کە بۆی تەرخان کراوە و پێویستە لە یەکەم هەفتەی کردنەوەیدا کۆی بکاتەوە.
سەرەڕای ئەمەش، فیلمەکە ستایشی ڕەخنەگرانی بەدەستهێناوە و وەک کلاسیکێکی هاوچەرخ ناوزەد کراوە، ئەمەش وایکردووە ببێتە یەکێک لە فیلمە بەهێزەکانی وەرزی خەڵاتەکان. فیلمەکە لەلایەن بینەرانەوە هەڵسەنگاندنی “نایاب”ـی پێدراوە، کە بەرزترین هەڵسەنگاندنە دیکاپریۆ لە دوای فیلمی “تایتانیک” لە ١٩٩٧ـەوە بەدەستی هێنابێت.