بەڕێز کاک محەمەدی حاجی مەحموود، سەرۆکی حزبی سۆسیال دیموکراتی کوردستان.
بەبۆنەی بەستن و بەسەرکەوتوویی کۆتایی هاتنی هەشتەمین کۆنگرەی پارتەکەتان و هەڵبژاردنەوەی بەڕێزتان وەک سەرۆکی حزبی سۆسیال دیموکراتی کوردستان، گەرمترین پیرۆزبایی لە بەڕێزتان و ئەندامانی سەرکردایەتی و سەرجەم کادیر و ئەندام و لایەنگرانی حزبە تێکۆشەرەکەتان دەکەین و، هیوای سەرکەوتنتان بۆ دەخوازین.
ئومێدەوارین بڕیار و ڕاسپاردە و ئهنجامەکانی کۆنگرەکەتان لە ئاست گۆڕانکارییەکان و پێداویستی قۆنەغەکەدابن و خزمەتی ئامانجە هاوبەشەکانمان و دۆزی ڕەوای گەلەکەمان بکەن.
لەم دەرفەتەدا جەخت لە هەماهەنگی و هاوڕیزی نێوانمان و سەرجەم حزب و لایەنە سیاسییەکانی کوردستان دەکەینەوە لە پێناو خۆشگوزەرانی هاووڵاتیان و پاراستنی هەرێم و هێنانەدی بەرژەوەندییە باڵاکانی گەلی کوردستان.
جارێکی دیکە پیرۆزباییتان لێدەکەین و هەر سەرکەوتوو بن.
مەکتەبی سیاسیی
پارتی دیموکراتی کوردستان
٦ـی نیسانی ٢٠٢٤