کەشناسی: لە دوای نیوەڕۆ ئاستی باران زیاتر دەبێت

 

ئەمڕۆ یەکشەممە  16-11-2025

کەش / کاریگەرى ئەم شەپۆلى باران بارینەى ڕووى لە ناوچەکەمان کردوە بۆ ئەمڕۆش بەردەوامى دەبێت و ئاسمانى هەرێم بە گشتى هەورى تەواو دەبێت , باران  بارین لە هەندێ کات بەشێوەى نمە بارانى پچڕ پچڕ دەبێت لە زۆربەى ناوچە جیاجیاکان، بەڵام لە ناوچە شاخاوییەکان ئاستى دابارین زیاتر دەبێت , لە دواى نیوەڕۆ ئاستى باران زیاتر دەبێت لەسەر بەشێک لە سنوورى باشوورى پارێزگاى هەولێر و پارێزگاى کەرکووک  و هەروەها بەشێک لە ئیدارەى گەرمیان , لە کاتى باران بارین ئەگەرى هەورە تریشقەش هەیە,  لە شەودا  کاریگەرى ئەم شەپۆلە کۆتاى دێت لە سەر ناوچەکەمان  .

خێراى با / لەسەرخۆ- مام ناوەند  ( 15 – 25 ) کم/ک.

ئاراستەی با /  باکووری خۆرهەڵات دەبێت

پلەکانی گەرما / بەگشتی نزم دەبێتەوە بە ( 1-2 ) پلە وە  لەناوچە شاخاویەکان بە (2-3)  پلە بەراورد بە تۆمارکراوەکانی دوێنێ وەک لەسەر نەخشەى خوارەوە ئاماژەى پێدراوە .

مەوداى بینین /  لەنێوان ( 6 – 7) کم دەبێت

 

سبەى دووشەممە 17-11-2025

کەش/ لە کاتەکانى بەرەبەیان ئەگەرى دروست بوونى تەم هەیە لەسەر زۆربەى ناوچە شاخاوییەکان , پاشان ئاسمان دەگۆڕێت بۆ ساماڵ و پەڵە هەور و کاریگەرى شەپۆلى باران بارین کۆتاى دێت لەسەر ناوچەکەمان .

خێراى با / مام ناوەند  ( 10 – 15 ) کم/ک

ئاراستەی با / باکووری خۆرهەڵات دەبێت

پلەکانی گەرما / نزمترین پلەى گەرمى نزم دەبێتەوە و بەرزترین پلەى گەرمى بەرز دەبێتەوە بەراورد بە تۆمارکراوەکانی ئەمڕۆ وەک لە خوارەوە ئاماژەیان پێدراوە.

مەوداى بینین /  ( 6 – 8 ) کم دەبێت و لە ناوچە شاخاوییەکان ( 2 -4 ) کم دەبێت.

بەرزترین پلەکانی گەرمای پێشبینیکراو بە پلەی سیلیزی

هەولێر : 21 پلەی سیلیزی

سلێمانی : 17 پلەی سیلیزی

دهۆک : 17 پلەی سیلیزی

زاخۆ  : 17  پلەی سیلیزی

کەرکوک : 20 پلەی سیلیزی

هەڵەبجە : 19 پلەی سیلیزی

سۆران : / 18پلەی سیلیزی

حاجی ئۆمەران : 9 پلەی سیلیزی

گەرمیان : 22 پلەی سیلیزی

 

 

16 – 11- 2025