هەردوو کۆمپانیای “Desert Eagle Films” و “BUC Studios” بە فەرمی کۆتاییهاتنی قۆناغی وێنەگرتنی فیلمی جیهانی “KEMET: Year One”یان ڕاگەیاند.
ئەم ڕاگەیاندنە دوای چەندین هەفتە لە کارکردنی چڕ و پڕ هات لە ناو جەرگەی بیابان و دۆڵەکانی شاری ئەسوان. ئەم بەرهەمە بە یەکێک لە گەورەترین پڕۆژە سینەماییەکانی ناوچەکە دادەنرێت و یەکەم بەرهەمی ڕێککەوتنێکی هاوبەشە کە بڕیارە ١٠ فیلمی گەورەی دیکە لەخۆ بگرێت.
لە ماوەی وێنەگرتنەکەدا، سێ گوندی تەواوی سەردەمی بەردین دروستکرانەوە، کە بریتی بوون لە کەمپی خێڵەکی، گۆڕەپانی ئاهەنگگێڕان، مەیدانی جەنگ و شوێنی مانەوەی ئاژەڵان. بۆ دروستکردنی ئەم شوێنانە، پشت بە کەرەستەی سروشتی بەستراوە وەک داری خاو، بەرد و لیفی خورما، ئەمەش ژینگەیەکی وێنەگرتنی دروست کردووە کە بە یەکێک لە ڕاستەقینەترینەکان لە ناوچەکەدا دادەنرێت.
لە فیلمەکەدا دەیان ئەکتەری پڕۆفیشناڵ و چەندین دەموچاوی نوێ بەشدارن کە لە ئەسوان، ئەقسەر، قاهیرە و گوندەکانی سەعیدەوە دۆزراونەتەوە، بۆ ئەوەی وێنەیەکی ڕاستەقینەی فرەچەشنیی کولتووری میسری، نوبی و بەدەوییەکان نیشان بدەن.