ئەم دواییانە، ٢٤٠ خێزانی عێراقی کە ٨٥٨ کەسیان تێدا بووە، کەمپی هۆلیان لە سووریا جێهێشتووە بۆ گەڕانەوە بۆ وڵاتەکەیان.
جیهان حەنان، هاوسەرۆکی کەمپی هۆل، ڕای گەیاند ئەم پرۆسەیە بە هەماهەنگی لەگەڵ حکومەتی عێراق و کۆمسیۆنی باڵای کاروباری پەنابەران ئەنجام دراوە.
بەپێی زانیارییەکان، نزیکەی ٣٠٠٠ هاووڵاتیی عێراقیی دیکە هێشتا لە کەمپەکەدا ماونەتەوە و چاوەڕوان دەکرێت لە سێ کاروانی دیکەدا بگەڕێنەوە، ئەمەش بەشێکە لە هەوڵێکی هاوبەش بۆ تەواوکردنی گەڕانەوەی هەموو خێزانە عێراقییەکان لە هۆلەوە تا ساڵی ٢٠٢٧.
لە کەمپەکەدا، ژمارەیەک خێزان، کە ژمارەیان نزیکەی ٢٠٠ خێزانە، نایانەوێت کەمپەکە جێبهێڵن لە سەرەتای ئەمساڵەوە، ژمارەیەکی بەرچاو لە خێزانە عێراقییەکان لە چەند کاروانێکی جیاوازدا کەمپی هۆلیان بەجێ هێشتووە.