فیلمی ئەنیمەیشنی “Zootopia 2” توانی لە ماوەیەکی پێوانەییدا دەستکەوتێکی گەورە تۆمار بکات. لە کەمتر لە مانگێکدا دوای نمایشکردنی لە ٢٦ی تشرینی دووەمەوە، فیلمەکە توانیویەتی داهاتی جیهانی بگەیەنێتە یەک ملیار و ١٣٧ ملیۆن دۆلار و پلەی دووەمی بۆکس ئۆفیسی جیهانی داگیر بکات.
لە بەشی دووەمدا، “جودی هۆبس” و “نیک وایڵد” وەک دوو پۆلیسی هاوبەش دەگەڕێنەوە، بەڵام دەرکەوتنی مارێک بەناوی “گاری” (کە دەنگەکەی لەلایەن کی هوی کوان-ەوە ئەنجام دەدرێت) هاوسەنگی شارەکە تێکدەدات.
فیلمەکە بەوە جیادەکرێتەوە کە لە ڕووی تەکنیکییەوە شۆڕشێکی بەرپاکردووە؛ تەنیا بۆ کارەکتەری مارەکە ٣٠٠٠ پارچە (قەسپ) بە وردی دیزاین کراون.
دەرهێنەرانی فیلمەکە، جارێد بوش و بایرۆن هاوارد، جیهانی زۆتۆپیایان فراوانتر کردووە و زیاتر لە ١٧٠ جۆری نوێی ئاژەڵیان بۆ فیلمەکە زیاد کردووە. ئەستێرەکان جەیسۆن بەیتمان، جێنیفەر گودوین و شاکیرا دەگەڕێنەوە بۆ ڕۆڵەکانیان.