کریمان کەمال، هاوژینی دەرهێنەری گەورەی میسری “داود عەبدولسەید”، کۆچی دوایی ئەو سینەماکارە ناودارەی ڕاگەیاند. عەبدولسەید کە وەک یاریدەدەری دەرهێنەر لەگەڵ گەورەکانی وەک یوسف شاهین دەستی پێکردبوو، دواتر بوو بە یەکێک لە دیارترین دەرهێنەرە فەلسەفییەکانی میسر.
عەبدولسەید خاوەنی چەندین شاکاری سینەماییە وەک (الکیت کات، أرض الخوف، رسائل البحر).
لە ساڵی ٢٠١٣ سێ فیلمی ئەو لە لیستی باشترین ١٠٠ فیلمی مێژووی عەرەبیدا پۆلێن کران. ئەو لە ماوەی ژیانیدا چەندین خەڵاتی نێودەوڵەتی و ناوخۆیی بەدەستهێنا و بەوە ناسرابوو کە سینەمای وەک ئامرازێک بۆ گەڕان بەناو قووڵاییەکانی کۆمەڵگە و مرۆڤ بەکاردەهێنا.