ئەنجوومەنی نوێنەرانى عێراق، ڕایدەگەیەنێت، دەرگای خۆپاڵاوتن بۆ پۆستی سەرکۆمار کراوەیە، و له ڕاگهیاندراوێكدا نووسیویهتى: “ئەوانەی خوازیارن بۆ خۆپاڵاوتن و مەرجەکانی خوارەوەیان تێدا بەدی دەکرێت، دەتوانن داواکارییەکانیان بە نووسراوی فەرمی و بەڵگەنامە ڕەسەنەکان کە سەلمێنەری بوونی ئەو مەرجانەن تێیاندا، لەگەڵ سیڤییەکانیان پێشکەش بە سەرۆکایەتی ئەنجوومەنی نوێنەران بکەن و ڕادەستی فەرمانگەی کاروباری یاسایی لە ئەنجومەنی نوێنەران/کۆشکی کۆنگرەکان بکەن لە کاتی دەوامی فەرمی”.
ئاماژهى بهوهش داوه كه، لە کاتژمێر نۆ بەیانی تا سێی پاش نیوەڕۆ لە ڕۆژانی (چوارشەممە، یەکشەممە، دووشەممە) کە دەکاتە ڕێکەوتی 31ى 12ى 2025 و 4ى 1 و 5ى 1ى 2026، لە بەرامبەر وەرگرتنی بەڵگەنامەی وەرگرتن کە تیایدا پێشکەشکردنی داواکاری و ڕێکەوتی پێشکەشکردن و ئەو بەڵگەنامانەی کە لەگەڵیدا خراونەتە ڕوو، تێیدا دەسەلمێندرێت.
سهبارهت به مهرجهكان بۆ ئهو كهسانهى خوازیارن خۆیان بۆ ئهو پۆسته كاندید بكهن، ئهنجوومهنى نوێنهران شهش مهرجى داناوه كه بریتین له:
یەکەم: عێراقی بێت بە لەدایکبوون و لە باوک و دایکێکی عێراقی بێت.
دووەم: خاوەن ئەهلییەتی تەواو بێت و تەمەنی لە چل ساڵ کەمتر نەبێت.
سێیەم: خاوەن ناوبانگێکی باش بێت و شارەزایی سیاسی هەبێت و بە پاکی و ڕاستودروستی و دادپەروەری و دڵسۆزی بۆ نیشتمان ناسرابێت.
چوارەم: بڕوانامەی زانکۆیی هەبێت، لانی کەم، و لەلایەن وەزارەتی خوێندنی باڵا و توێژینەوەی زانستی لە عێراق دانی پێدانرابێت.
پێنجەم: سزای تاوانی نامووسی بەسەردا نهسەپێنرابێت.
شەشەم: بە ڕێکارەکانی لێپرسینەوە و دادپەروەری یان هەر ڕێکارێکی تر کە جێگەی بگرێتەوە، تێپهڕێت.