دوای ئەوەی مارکۆس راشفۆرد بەشێوەی خواستن لە مانچستەر یونایتدەوە ڕوویکردووەتەوە بەرشەلۆنە لە ئێستادا چارەنووسی ئەو هێرشبەرە بۆ وەرزی داهاتوو نادیارە، چونکە بلەوگرانا بڕیاری کۆتاییان نەداوە لەسەر بە هەمیشەیکردنی گرێبەستەکەی.
پێگەی تیم تۆک بڵاوکردووەتەوە کە ئەتلەتیکۆ مەدرید لە نزیکەوە چاودێری بارودۆخی راشفۆرد دەکەن و ئەگەر بەرشەلۆنە بەجێبهێڵێت ئامادەن ئۆفەری فەرمی بۆ گواستنەوەی پێشکەش بکەن.
سەرچاوەکە ئەوەی ئاشکراکردووە کە رۆس بلانکۆس ئامادەن بۆ کڕینی ئەو یاریزانە 30 ملیۆن یۆرۆ خەرج بکەن،لەلایەکیترەوە مارکۆس راشفۆرد لە خولی ئیسپانیا دڵخۆشە و دەیەوێت لە لالیگا درێژە بە یارییکردن بدات و پێشبینی دەکرێت ئەگەر لەگەڵ بەرشەلۆنە نەگاتە رێککەوتن ئەوا بە ئۆفەری ئەتلەتیکۆ رازی ببێت.
ئەستێرە ئینگلزییەکە لەگەڵ یانە ئیسپانییەکە بەشداری 24 یاریی کردووە و لەوماوەیەدا توانیوێتی حەوت گۆڵ و 11 ئەسیست تۆماربکات.