لە ماوەی چەند ساڵی رابردوودا کریستیانۆ رۆناڵدۆی ئەستێرەی پۆرتوگالی سکاڵای دژی یانەی یۆڤانتۆسی ئیتاڵی تۆمارکرد بەهۆی ئەوەی کە ئەو یانەیە بڕە پارەیەکی زۆریان پێنەداوە کە مووچەی خۆیەتی و لە سەردەمی ڤایرۆسی کۆرۆنادا لە بودجەی یانەکەیان دایان نابوو.
دواتر دادگا بڕیاریدا کە یانەی یۆڤانتۆس دەبێت بڕی نۆ ملیۆن و حەوت سەد هەزار یۆرۆ بە ئەستێرە پۆرتوگالیەکە بدات چونکە ئەوە شایستەی خۆیەتی و پێویستە پێی بدرێت.
لە مانگی 10ی ساڵی رابردوودا، یانە ئیتاڵیەکە تانەیان لە بڕیاری دادگای ئیتاڵیا دا و پێیانوایە هیچ مووچەیەکی ئەو یاریزانە لای یانەکەیان نەماوە و ئەو یاریزانە خۆی داوای کردووە ئەو بڕە پارەیەی پێنەدەن.
لە نوێترین پێشهاتدا، دادگای ئیتاڵیا تانەکەی یانەی یۆڤانتۆسی رەتکردەوە و بەوەش جاریکیتر بردنەوەی رۆناڵدۆیان لە دۆسیەکە سەلماند و پێویستە یانە ئیتاڵیەکە بڕی نۆ ملیۆن و حەوت سەد هەزار یۆرۆ بەو یاریزانە بدات جگە لەوەش بڕی 80 هەزار یۆرۆش بداتە دادگا.