بریتنی سپێرز ئەستێرەی جیهانی پۆپ، تەواوی مافی گۆرانییەکانی(Catalog) بە کۆمپانیای “Primary Wave” فرۆشت.
هەرچەندە بڕی پارەکە بە فەرمی ڕانەگەیەندراوە، بەڵام شارەزایان دەڵێن نرخەکەی دەگاتە سەدان ملیۆن دۆلار، کە هاوشێوەی گرێبەستەکەی جەستن بیبەرە لە ساڵی 2023.
ئەم گرێبەستە گۆرانییە هەرە بەناوبانگەکانی وەک “Baby One More Time”، “Toxic” و “Oops!… I Did It Again” لەخۆدەگرێت کە مێژووی موزیکی پۆپیان لە نەوەدەکانی سەدەی ڕابردوودا گۆڕی. سپێرز خاوەنی مافی نووسینی نزیکەی 40 گۆرانییە لەوانە“Everytime” .
کۆمپانیای پڕایمەری وەیڤ کە ئێستا مافی بەرهەمەکانی بریتنی بەڕێوەدەبات، یەکێکە لە گەورەترین کۆمپانیاکانی جیهان و مافی گۆرانیبێژانی وەک باب مارلی و ویتنی هیوستن و پرێنسی لایە.
ئەم مامەڵە داراییە گەورەیە وەرچەرخانێکی نوێیە لە ژیانی هونەری و دارایی بریتنی سپێرزدا دوای ساڵانێکی زۆر لە ململانێی یاسایی.