لەدوای پەیوەندی کردنی کەریم بێنزیمای فەڕەنسی بەرەگەز جەزائیری لە ئیتیحادەوە پەیوەندی کرد بەیانەی ئەلهیلال و لەیەکەمین یاریدا توانی هاتریک بنووسێتەوە زۆرێک دەنگۆ هەبوون لەسەر گرێبەست و ناوەڕۆکەکە،کە ئەمڕۆ خالد ئەلشنەیف بەڕوونی ئاشکرای کرد.
بەگوتەی خالد ئەلشنەیف کەریم بێنزیما لە بەشێکی شایستە داراییەکانی خۆی خۆش بووە لەپێناو پەیوەندی کردن بە هیلالەوە،کە لەئیتیحاد شایستە داراییەکانی دەگەیشتە 50 ملیۆن یۆرۆ لە ساڵێکدا،بەڵام لە هیلال خۆی لە 30 ملیۆن یۆرۆ دەدات.
ئەم قسانەی خالد ئەوە دەسەلمێنن کەریم بێنزیما مەبەستی پەیوەندی کردنی بە هیلال بردنەوە نازناوە نەک بازرگانی و جگە لەوەش ئەوەش ئاشکرا بووە یانەی هیلال خۆی مووچەی بێنزیما دەدات نەک سندوقی وەبەرهێنانی سعودی.
“سەرکار ڕێبوار”