سوپای ئەڵمانیا بەشێک لە سەربازەکانی بە شێوەیەکی “کاتی” لە شاری هەولێر کشاندەوە.
وردەکارییەکانی بڕیارەکە:
• کەمکردنەوەی ژمارەی سەربازان: گوتەبێژێکی وەزارەتی بەرگری ئەڵمانیا بە ئاژانسی “فرانس پرێس”ی ڕاگەیاند، دەیان سەربازیان لە بنکەی سەربازیی هەولێر گواستووەتەوە و تەنیا ستافێکی کەم بۆ ڕاپەڕاندنی کارە پێویستەکان لە شوێنەکە ماونەتەوە.
• هەماهەنگی نێودەوڵەتی: گوتەبێژەکە جەختی کردەوە کە ئەم بڕیارە “بە هەماهەنگی لەگەڵ هاوبەشە نێودەوڵەتییەکان” دراوە.
هۆکاری گرژییەکان:
هەرچەندە بەرپرسە ئەڵمانییەکە ئاماژەی بە سەرچاوەی وردی مەترسییەکان نەکرد، بەڵام ئەم هەنگاوە هاوکاتە لەگەڵ جموجۆڵە سەربازییەکانی واشنتۆن لە ناوچەکە و هەڕەشەکانی دۆناڵد ترەمپ، سەرۆکی ئەمریکا بۆ ئەنجامدانی کردەوەی سەربازی دژی ئێران.