ئێوارەی ئەمڕۆ دووشەممە 2026/2/23 بەڕێز نێچيرڤان بارزانى، سەرۆكى هەرێمى كوردستان، پێشوازيى لە بەڕێز تۆم باراك، نوێنەرى سەرۆك ترامپ بۆ كاروبارى سووريا و باڵيۆزى ئەمهريكا لە توركيا و شاندێكى ياوەرى كرد.
لە كۆبوونەوەيەكدا كە بەڕێز جۆشوا هاريس، كاربهڕێكهرى باڵيۆزخانهى ئهمهريكا له عێراق ئامادەی بوو، پەيوەندييەكانى ئەمهريكا لەگەڵ عێراق و هەرێمى كوردستان، دواپێشهاتەكانى بارودۆخى سووريا و پرۆسەى سياسى لە عێراق و ههرێمى كوردستان تاوتوێ كران.
شاندى ميوان پێزانينيان بۆ ڕۆڵى سەرۆك نێچيرڤان بارزانى لە هەوڵە ديپلۆماسييەكانى بۆ سەقامگيريى ناوچەكە و هێوركردنەوەى ئاڵۆزييەكان و ڕێككهوتنى نێوان ديمهشق و ههسهدهدا دەربڕى. لاى خۆيهوه سەرۆك نێچيرڤان بارزانى دووپاتى كردەوە كە هەرێمى كوردستان وەك هەميشە فاكتەرى ئارامى و سەقامگيرى دەبێت.
دوايين پێشهاتهكانى ناوچهكه، تەوەرێكى ديكەى كۆبوونهوهكه بوو؛ لهمبارهيهوه سهرۆك نێچيرڤان بارزانى جهختى له گرنگيى چارهسهركردنى ئاشتيیانهى كێشهكان و پاراستنى ئارامى و سهقامگيرى له ناوچهكهدا، كردهوه.