ئەنیل بۆرا ئینان، باڵیۆزی تورکیا لە بەغدا، لە میانی کۆبوونەوەی لەگەڵ قاسم ئەعرەجی، ڕاوێژکاری ئاسایشی نیشتمانیی عێراق، ئامادەیی وڵاتەکەی دەربڕی بۆ وەرگرتنەوەی ئەو هاووڵاتییە تورکانەی کە لەم دواییانەدا لە سووریاوە ڕادەستی عێراق کراون.
لە لایەن خۆیەوە، ئەعرەجی جەختی لە گرنگیی هەماهەنگی نێودەوڵەتی کردەوە بۆ بەرەنگاربوونەوەی تيرۆر و داوای لە وڵاتان کرد بەرپرسیارێتی یاسایی و مرۆیی خۆیان هەڵگرن و ڕەعایا زیندانییەکانیان لە عێراق بکشێننەوە. هەردوولا باسیان لە پەرەپێدانی پەیوەندییە دووقۆڵییەکان و پاراستنی سەقامگیریی ناوچەکەش کرد.