لە هەنگاوێکی وەفادارانەدا بۆ قەڵەمە دیارەکانی کوردستان، د. سالار عوسمان، بەرپرسی بەشی ڕۆشنبیری و ڕاگەیاندنی پارتی دیموکراتی کوردستان، سەردانی نووسەر و شاعیر موحسین قۆچانی لە شاری دهۆک کرد.
ئەو سەردانە کە بە یاوەریی ژمارەیەک لە ئەندامانی بەشەکە بوو، مەبەست لێی هەواڵپرسین بوو لە دۆخی تەندروستی ئەم ئەدیبە ناسراوە و دەربڕینی ڕێز و پێزانین بوو بۆ ئەو کاروانە پڕ لە بەرهەمەی کە زیاتر لە 50 ساڵە بۆ ئەدەبیاتی کوردی تەرخان کردووە.
موحسین قۆچان کە لە سەرەتای حەفتاکانەوە دەستی بە نووسینی شیعر کردووە، یەکێکە لەو دەنگە ڕەسەنانەی بادینان کە شوێنپەنجەی لە پاراستن و پەرەپێدانی زمانی کوردی و ئەدەبدا دیارە.
د. سالار عوسمان لە کاتی سەردانەکەیدا جەختی لەوە کردەوە کە نووسەران و شاعیران سامانی نەتەوەیین و پێویستە هەمیشە لەژێر چاودێری و ڕێزدا بن.
موحسین قۆچان ئەندامێکی چالاکی یەکێتیی نووسەرانی کوردە و خاوەنی چەندین دیوانی شیعرییە، لەم دیدارەدا سوپاسی ئەم بەسەرکردنەوەیەی کرد.