وەزارەتی بەرگریی توركیا رایگەیاند، لە لایەن ئێرانەوە مووشەكێكی بالیستی هاویشتراوەتە توركیا، بەڵام هێزەكانی ناتۆ تێكیان شكاندووە و پارچەكانی لە غازی عەنتاب كەوتووەتە خوارەوە و هیچ زیانێكی گیانی نەبووە.
باسی لەوەش كردووە، توركیا دەیەوێت ئێران ببێتە وڵاتێكی دراوسێی باش و ئارامی توركیا نەشێوێنێت، هەروەها توركیا سڵ ناكاتەوە لەوەی هەموو هەنگاوێك دەهاوێت بۆ ئەو لایەنەی ئاسمانی توركیا ببەزێنێت و ببێتە هەڕەشە بۆ سەر وڵات.
لەلای خۆیەوە بورهانەدین دوران، وەزیری راگەیاندنی توركیا، هۆشداری دەداتە ئێران و دەڵێت، نابێت رێگە بدات شەڕەكە فراوان بێت و ناوچەی توركیاش بگرێتەوە.
هۆشداری دەداتە ئێران، خەڵكی سڤیل لە توركیا نەكاتە ئامانج، هەروەها دوور بكەوێتە لەوەی توركیا بكاتە ئامانج.
ئەمە جاری دووەمە ئێران مووشەكی بالیستی لە توركیا بگرێت و لە هەردوو جارەكەشدا مووشەكەكە تێكشكێنراوە و زیانی گیانی نەبووە.