کازم غەریب ئابادی، جێگری وەزیری دەرەوەی ئێران ڕایگەیاند، تاران داواکارییەکانی چین، فەڕەنسا و ڕووسیای بۆ ڕاگەیاندنی ئاگربەست ڕەت کردووەتەوە. ناوبراو ئاماژەی بەوە کرد کە ئێران کۆتاییی ئەم شەڕە دیاری دەکات و تا ئەو کاتەی دڵنیا نەبنەوە لەوەی هێرشەکان دووبارە نابنەوە، بەردەوام دەبن. هەروەها بانگەشەی ئەوەی کرد کە ئێران زیانی گەورەی ئابووریی لە ئەمریکا و ئیسرائیل و هاوپەیمانەکانیان داوە.