محەمەد شیاع سوودانی، سەرۆک وەزیرانی عێراق،م ئەمڕۆ پەیوەندییەکی تەلەفۆنی لەگەڵ مەسعوود پزیشکیان، سەرۆک کۆماری ئێران ئەنجامدا و تێیدا هەڵوێستی فەرمیی عێراقی بەرامبەر پەرەسەندنە سەربازییەکان دووپات کردەوە.
خاڵە سەرەکییەکانی گفتوگۆکە:
• سەرەخۆشی و هاوسۆزی: سەرۆک وەزیران بەناوی حکومەت و گەلی عێراقەوە سەرەخۆشی خۆی بۆ کۆچی دوایی ئایەتوڵڵا سەید عەلی خامنەیی و ئەندامانی خێزانەکەی و گەلی ئێران دەربڕی و هیوای چاکبوونەوەی بۆ بریندارەکان خواست.
• ڕەتکردنەوەی شەڕ: سوودانی جەختی کردەوە کە عێراق ئەو “شەڕە ستەمکارانەیەی” دەکرێتە سەر ئێران ڕەت دەکاتەوە و ئیدانەی دەکات. ئامادەیی عێراقیشی نیشان دا بۆ گرتنەبەری هەر هەوڵێک بە مەبەستی کۆتاییهێنان بە شەڕ و گەڕانەوە بۆ زمانی دیالۆگ.
• پاراستنی سەروەری: سەرۆک وەزیران ڕایگەیاند: “ڕێگە بە هیچ لایەنێک نادەین خاکی عێراق وەک سەکۆیەک بۆ هێرشکردنە سەر ئێران بەکاربهێنێت”. هاوکات، جەختی کردەوە کە هەر هێرشێک بکرێتە سەر خاکی عێراق، پێشێلکردنی سەروەرییە و قبوڵکراو نییە.
• هەڵوێستی ئێران: مەسعوود پزیشکیان سوپاسی هەڵوێستەکان و هەوڵەکانی حکومەتی عێراقی کرد بۆ پاراستنی ئاسایشی ناوچەکە و جەختی لەسەر ڕێزگرتنی وڵاتەکەی بۆ سەروەری و یەکپارچەیی خاکی عێراق کردەوە.