خانمە ئەکتەری ناودار کەیت وینسلێت، لە وتووێژدایە بۆ بەشداریکردن لە فیلمی نوێی زنجیرە فیلمەکانی شای ئەنگوستیلە بە ناوی “The Hunt for Gollum”.
فیلمەکە لەلایەن ئاندی سێرکیسەوە دەرهێنراوە و پیتەر جاکسۆن بەرهەمهێنەریەتی.
چیرۆکی فیلمەکە لە نێوان ڕووداوەکانی “The Hobbit” و “Lord of the Rings” دایە، تێیدا ئاراگۆرن و گانداڵف بە دوای گۆڵومدا دەگەڕێن بۆ دۆزینەوەی زانیاری لەسەر ئەنگوستیلەکە.
هێشتا ڕۆڵی وینسلێت بە وردی ئاشکرا نەکراوە، بەڵام وێنەگرتنی فیلمەکە لە نیوزلەندا دەبێت.
وا بڕیارە فیلمەکە لە 17ـی کانوونی یەکەمی 2027 بکەوێتە سینەماکانەوە. ئیان مەکێلین وەک گانداڵف دەگەڕێتەوە و ئەگەری زۆرە ئیلایجا وودیش وەک فرۆدۆ دەربکەوێتەوە.
وینسلێت پێشتر لەگەڵ جەیمس کامیرۆن لە فیلمی ئاڤاتار کاری کردووە، ئێستا دەچێتە ناو ئەزموونێکی نوێ و گەورەی جیهانی.
ئەم پڕۆژەیە هەوڵێکە بۆ زیندووکردنەوەی جیهانی زەوی ناوەڕاست بە دیدگایەکی نوێ و تەکنەلۆژیایەکی سەردەمیانە.