لە گەڕی٢٧خولی ئەڵمانی یانەی بایرن میونشن توانی بە ئەنجامی ٤ گۆڵی بێ بەرامبەر سەرکەوێت بەسەر یانەی ئونیون بەرلین لە گێمی یەکەمدا و لە خولەکی ٤٣ مایکڵ ئۆلیس توانی گۆڵی یەکەم بۆ یانەی بایرن میونشن تۆمار بکات.
هەروەها لە خولەکی ٤٥+ گنابری توانی گۆڵی دووەم بۆ یانەکەی تۆمار بکات و لە گێمی دووەم داو لە خولەکی ٤٩ هاری کەین توانی گۆڵی سێیەم تۆمار بکات هەروەها گۆڵی چوارەم و کۆتایی لە خولەکی ٦٧ گنابری تۆماری کرد.
بەم ئەنجامەش بایرن توانی سێ خاڵی دیکە بەدەست بهێنێت و لە ریزبەندی یەکەم بمێنێتەوە بە ٧٠ خاڵ، ئونیون بەرلین لە ریزبەندی دەهەمی خولەکە دێت بە ٣١ خاڵ.