ئەندرێس کریستنسنی بەرگریکاری دانیمارکی گرێبەستەکەی لەگەل یانەی بەرشەلۆنە لە کۆتایی ئەم وەرزەدا تەواو دەبێت بەڵام تا ئەم ساتە نەگەیشتووەتە رێککەوتن لەگەڵیاندا بەمەبەستی نوێکردنەوەی.
ئەو یاریزانە لە مانگی یەکی ئەمساڵەوە دەیتوانی گفتوگۆ لەگەڵ هەر یانەیەک بکات کە خۆی بەوێت پەیوەندی پێوە بکات بەڵام بە لێدوانێک داهاتووی خۆی بە نادیرای هێشتەوە دوای ئەوەی کە رایگەیاند ئارەزووی مانەوە لە یانە کەتەلۆنیەکە دەکات.
رۆژنامەی موندۆ دیپۆرتیڤۆ بڵاویکردەوە، بەرپرسانی یانەی بەرشەلۆنە وەڵامی داواکەی کریستنسنیان داوەتەوە و ئۆفەرێکی فەرمیان پێشکەش کرد بە مەبەستی نوێکردنەوەی گرێبەستەکەی بۆ وەرزێکیتر و دواتر مافی درێژکردنەوەی بۆ وەرزێکی تریش.
دەشڵێت، سەرەڕای ئەو رەتکردنەوەیە بەڵام کریستنسن بە بەڕێوەبەری کارەکانی راگەیاندووە گفتوگۆی دیکە لەگەڵ یانەی بەرشەلۆنە بکات و هەموو هەوڵێک بدات لەپێناو ئەوەی بگاتە رێککەوتن لەگەڵیاندا، تا ئەوەش یەکلانەکاتەوە ئامادەنییە گفتوگۆ لەگەڵ هیچ یانەیەکی تر بکات لەکاتێکدا چەندین یانەی گەورەی ئەوروپا ئامادەن گرێبەستی لەگەڵدا ئیمزابکەن.