فیلمی نوێی دەرهێنەر ئەنتوان فوکوا لەبارەی ژیانی مایکل جاکسن، سەرکەوتنێکی مێژوویی لە بۆکس ئۆفیس تۆمار دەکات. پێشبینی دەکرێت داهاتی فیلمەکە لە ئەمریکا 90 ملیۆن دۆلار تێپەڕێنێت و لە ئاستی جیهانیش بگاتە 180 ملیۆن دۆلار.
فیلمەکە تەنیا لە ڕۆژی هەینیدا 38 ملیۆن دۆلاری کۆکردووەتەوە، بەمەش ڕیکۆردی فیلمە میوزیکییەکانی دیکەی شکاند.
ئامارەکان دەری دەخەن، 96%ی بینەران لە فیلمەکە ڕازین، هەرچەندە ڕەخنەگران نمرەیەکی کەمتریان پێداوە.
ڕەخنەگران ئاماژەیان بەوە کرد، فیلمەکە تەنیا باس لە قۆناغی سەرکەوتنەکانی هونەرمەندەکە دەکات تا ساڵی 1988 و بەردەوام خۆی لەو تۆمەتانە دەپارێزێت دواتر ئاراستەی کران.
بەرهەمهێنەرانی فیلمەکە بڕی 200 ملیۆن دۆلاریان تێدا خەرج کردووە تاوەکو کارێکی کوالیتی بەرز پێشکەش بکەن.
ئەم سەرکەوتنە گەورەیە وای کردووە نەوەی نوێ و هەوادارە کۆنەکانیش بە لێشاو ڕوو لە سینەماکان بکەنەوە.