ئەمڕۆ شەممە، بازاڕەکانی کانزا گرانبەهاکان بەردەوامن لە تۆمارکردنی ئاستی بەرزتر بەراورد بە دوێنێ، نرخی زێڕ بەردەوامە لە هەڵکشان و بەدەستهێنانی قازانجی زیاتر، ئەمەش وەک کاردانەوەیەک بۆ ئەو گۆڕانکارییانەی لە بەهای دۆلار و جووڵەی بازاڕە جیهانییەکاندا هەستی پێدەکرێت.
بەپێی دواین داتاکانی بازاڕ، نرخی یەک کیلۆگرام زێڕ گەیشتە 148,338.24 دۆلار. ئەم نرخە بەراورد بە ڕۆژی ڕابردوو (147,684.62 دۆلار) بە بڕی 653.62 دۆلار بەرزبووەتەوە.
لە بەرامبەردا، نرخی هەر ئۆنسەیەک زێڕ گەیشتە 4,613.84 دۆلار، کە بەراورد بە دوێنێ (4,593.51 دۆلار) بە بڕی 20.33 دۆلار بەرزبووەتەوە. هەروەها نرخی یەک گرام زێڕیش بە هەمان ئاراستەدا ڕۆیشت و لە 147.68 دۆلارەوە بۆ 148.34 دۆلار بەرزبووەتەوە (بە ڕێژەی 0.66 دۆلار)
.شارەزایانی ئابووری پێیان وایە ئەم بەرزبوونەوەیەی نرخی زێڕ، پەیوەستە بەو گۆڕانکارییانەی لە ئاستی بەهای دۆلار و پێشهاتە سیاسی و ئابوورییەکانی ناوچەکەدا هەیە.
سەبارەت بە دۆخی بازاڕ لە ماوەی هەفتەی ڕابردوودا، بەراورد بەو نرخەی ئێستا دەبینین کە بازاڕ ئاڵۆگۆڕی بەرچاوی بەخۆوە بینیوە؛ بەتایبەت کە لە هەفتەی ڕابردوودا نرخی هەر ئۆنسەیەک زێڕ زیاتر لە 100 دۆلار دابەزیبوو. ئەم دابەزینەی هەفتەی پێشوو، وەبەرهێنەرانی ناچار کرد بە وریاییەوە مامەڵە بکەن، بەڵام دەرکەوتنی ئەم نرخەی ئەمڕۆ وەک هەنگاوێکی قەرەبووکەرەوە و گەڕانەوە بۆ ئاراستەی بەرزبوونەوە دەبینرێت.
نرخی بازاڕەکانی ناوخۆ ،بەپێی نرخی فەرمی سەندیکای زێڕنگران
هاوکات لە بازاڕەکانی ناوخۆ، نرخی عەیارە جیاوازەکانی زێڕ بەمشێوەیەی خوارەوە بەرزبوونەوەیان بەخۆوە بینیوە:
عەیار 22: 1,040,370 دینار.
عەیار 21: 993,080 دینار.
عەیار 18: 851,212 دینار.