نرخى نەوت لە بازاڕەکانى جیهان بۆ ئەمڕۆ لە بازاڕەکانى جیهان گۆڕانکارییان بەسەرداهاتوە و نەوتى خاوى برێنت و تەکساسى ئەمەریکیش دابەزینى بەرچاویان تۆمار کردوە.
ئەمڕۆ چوارشەممە، لە بازاڕەکانى جیهان، نرخى بەرمیلێک نەوتى خاوى برێنت گەیشتە 85 دۆلار و 63 سەنت و بەراورد بە رۆژى رابردو بۆ هەر بەرمیلێک نرخەکەى دوو دۆلار و 66 سەنت دابەزیوە.
هەروەها لە نەوتى تەکساسى ئەمەریکیش نرخەکەی گەیشتە 81 دۆلار و 18 سەنت و بەراورد بە رۆژى رابردو دوو دۆلار و 26 سەنت دابەزیوە.
رێکخراوی ئۆپیک پڵەس رایگەیاند، بەردەوامدەبن لەسەر کەمکردنەوەی ئاستی بەرهەمهێنان و هەناردەکردنی نەوت بۆ بازاڕەکانی جیهان و لە ئێستاشدا خواستی بازاڕەکان بۆ نەوت بە پارێزراوی ماوەتەوە.