لە درێژەی یارییەکانی هەفتەی 34ی خولی ئیسپانیا، یانەی جیرۆنا میوانداری بەرشەلۆنەی کرد.
لە ئەنجامدا یانەی جیرۆنا بە چوار گۆڵ بەرامبەر بە دوو گۆڵ لە بارسای بردەوە و چووە دووەمی ڕیزبەندی.
هەر لە سەرەتای تایمی یەکەم بەرشەلۆنە دەستپێشخەری کردو لە خولەکی 3 کریستنسن گۆڵی یەکەمی تۆمارکرد، بەڵام دڵخۆشی بارسا تەنیا خولەکێکی خایاند کاتێک جیرۆنا گۆڵی بەرامبەری تۆمارکردەوە،
پێش کۆتایی ئەو تایمە ناوبژیوان لێدانێکی سزای بۆ بەرشەلۆنەی میوان هەژمارکرد و لیڤاندۆڤسکی گۆڵی دووەمی تۆمارکرد و یانەکەی پێشخست.
لە تایمی دووەمدا، جیرۆنای خاوەن یاریگا بەهێزتر گەڕایەوە و توانی سێ گۆڵی تر لە خولەکەکانی 65، 67 و 74 لەڕێگەی یاریزانان پۆرتو دوو گۆڵ و گوتێرز تۆماریانکرد و یارییەکە بەو شێوەیە کۆتاییهات.
بەم سەرکەوتنە، ریال مەدرید بووە پاڵەوانی ئەم وەرزەی لالیگا و جیرۆناش پلەی دووەمی ڕیزبەندی لە بەرشەلۆنە وەرگرت و خاوەن 74 خاڵە، بەرشەلۆنەش 73 خاڵی هەیە.