رێبوار حەمەلاو شوانى
شاراوە نییە ، لە دواى سەرچاوەکانى نەوت و گاز ، ئەوەى لەو هەموو پرسێکى دیکە گرنگتر و پڕ بایەخترە ، بابەتى ئاوە و ئاسایشى نیشتیمانى هەر گەل و نەتەوەیەک بەتایبەت لە ناوچانەى کەخاوەن سەرچاوەى دەوڵەمەندن بە ئاوى خواردنەوە ، کوردستان یەکێک لەو ناوچەکە گرنگ و ستراتیژییانەى رۆژهەڵاتى ناوەڕاستە کە جگە دەوڵەمەندبوونى سەرچاوەکانى نەوت وگاز لە هەمانکاتیشدا خاوەن سەرچاوەیەکى گرنگى ئاوى خواردنەوەیە لە ناوچەکەدا ، بۆیە شەڕ و ململانێی داهاتوو لە نێوان زڵهێزانى ناوچەکە و جیهان لە سەر ئاو ماددە کانزاییە گرنگە کە سەرچاوى ژیانى مرۆڤایەتى دەبێت
پەیوەست بەو بابەتە ستراتیژیی و دۆسییەى داهاتووى سەرچاوەکانى ئاو و ئاسایشى ئاو لە هەرێمى کوردستان لە هاوکێشەى نێوان کێشە ژینگەى و سیاسییەکانى ناوچەکەدا بەکارهێنانى ئاو و ستراتیژى بەڕەنگاربوونەوەى لە لایەن حکوومەتى کوردستان بە سەرۆکایەتى ڕێزدا مەسروور بارزانى بووەتە ئەولەوییەت لە پاراستنى ئاسایشى ئاو لە پێناو ئێستا وداهاتووى ئەم گەل ونیشتیمانە دا
لەبیرمانە لە رابردوودا ، ئەو وڵاتانەى کە سەرچاوى ئاویان زۆرە ، هەردەم ئەم کانزا گرانبەهایەیان وەک کارتێکى فشار لە پێناو دەستکەوتى سیاسى بەکارهێناوە و سوود و قازانجى زۆریشیان لێ بینیووە ، لەلایەکی دیکەوە بە ڕەچاوگرتنى گۆڕانکارییە نامۆکانى کەش وهەواو و ژینکە و ئینجا وشکەساڵى کە ساڵانێکە بەرۆکى ناوچەکە و عێراق و هەرێمى کوردستانیشى گڕتۆتەوە ، ڕێژەى کەمى باران و بەفربارین کاریگەرییان لەسەر ڕێژەى ئاوى سەر زەوى و ژێر زەوى و سەوزایی هەبووە ، لەگەڵ ئەمانەشدا زیادبوون و گەشەسەندنى دانیشتیوان بووەتە هۆى زیادبوون خواست لە سەر ئاوى خواردنەوە و کشتوکاڵ کە ئەمەش فشارێکى دیکەیە ، پێوستى بە پلان و بەرنامەى ورد هەیە
هەموو ئەو هۆکارانە و خوێندنەوەى وردبینانەى کابینەى نۆیەمى حکوومەتى کوردستان بە سەرۆکایەتى مەسروور بارزانى ، ستراتیژییەکى وردى بۆ پارێزگاریکردن لە داهاتووتى ئاو بەڕێگەى پرۆسەیەکى ورد ئەویش بە دروستکردنى بەنداو و پۆند ، لە پێناو بەڕێوەبردنى دۆسیەى ئاو نەک بە شێوەى کاتی بەڵکو هەنگاونانى ستراتیژى بۆ درێژخایەن و داهاتووى گەل و نیشتمان
دروستکردنى دوو پرۆژەى ئاوى ستراتیژى لە هەولێر و بارزان و هەروەها دوو پرۆژەى دیکەش لە چەمچەماڵ و سلێمانى و شوێنەکانى دیکە ئاماژەیەکى روونن بە خوێندنەوەى ستراتیژى و پەرۆشى حکوومەتى کوردستان بۆ چارەسەرى قەیرانى بێ ئاوى و دۆزینەوەى چارەسەرى درێژخایەن
کردنەوەى پرۆژەى ستراتیژى ئاوى باڵندا – بارزان ، بە سەرپەرشتى راستەوخۆى مەسروور بارزانى ، سەرۆکوەزیرانى کوردستان ، تەنها وەک پرۆژەیەکى سادە نییە لە رووى دابینکردنى ئاو وخزمەتگوزارى و ئاوەرۆ ، بەڵکو ئاماژەیە ، بە ئیرادە و جێبەجێکردنى دروشم بۆ کردار و خزمەتکردنى خەڵکى ناوچەکە
لەگەڵ ئەوەى دروستکردنى ئەو پرۆژە ستراتیژییە ماوەى 13 ساڵى خایاند و بەڵام لە هەمانکاتیشدا ئەو پرۆژەیە دەتوانێت ئاوى خواردنەوە بۆ دەیان گوندى دەڤەرى بارزان فەراهەم بکات ، بەڵام وێراى هەموو ئاستەنگەکان لەڕووى زانستى و کارکردنەوە و ئینجا نەبوونى پارە و سەرهەڵدانى شەڕى تیرۆریستان و پارێزگاریکردن لە قەوارەى هەرێى کوردستان ، لە کۆتاییدا ئەم پرۆژەیە جێبەجێکرا ، ئەو هەنگاوە ستراتیژییە لەگەڵ ئەو بڕیارى حکوومەتى کوردستان کە دواى لە گوندنیشنان کردبوو لە پێناو بەهێزکردنى ژێرخانى ئابوورى و کارى جوتیارى و گوندنیشینى بگەڕێنەوە سەر گوندەکانیان ، لە سەر فەرمانى سەرۆک مسعود بارزانى لە ساڵى 2022 و بە پشتیوانى مەسروور بارزانى ، سەرۆکوەزیرانى کوردستان ، هەنگاو بەهەنگاو چووە بوارى جێبەجێکردن و دواى ئەوەى هەموو ئەو ئاستەنگانەى هۆکاربوون بۆ ڕاگرتنى پرۆژەکە ، بە پلانى ورد و کاریان لەسەر کرا ، ئەوەش وایکرد ، کارەکانى جێبەجێکردنى ئەم پرۆژەیە بە بێ وەستان و بە ئیرادە و تواناییەکى بەهێزەوە ئەم پرۆژەیە بگاتە قۆناغى کۆتایی
تەواوبوونى ئەم پڕۆژە گرنگە وادەکات چارەسەرى کەم ئاوى بۆ گوندەکانى هەر سێ قەزاى ئاکرێ، خەلیفان ، مێرگەسۆر بکات و هاووڵاتیان لە کێشەى بێ ئاوى رزگار یان دەبێت و چیتر پێوستیان بە گواستنەوەى ئاو بە ڕێگەى تانکەرەوە نابێت ، ئەوەش جگە لە تێچووە داراییەکەى بۆ سەر خەڵک و حکوومەت ، لەڕووى تەندروستى و ئاوى پاکى خواردنەوە کاریگەرى باشى لەسەر خەڵک دەبێت و لەهەمانکاتیشدا ، هەموو ئەو بیرانەى لەماوەى رابردوودا لە سنوورەکە بۆ دەرهێنانى ئاو بەکاردەهێنران ، دادەخرێن ئەوەش وەک شارەکانى دیکە کاریگەرى لەسەر پارێزگاریکردن لە سەر ئاوى ژێر زەوى دەبێت و جارێکى دیکە هاوسەنگى دروست دەبێتەوە
کردنەوەى ئەو پرۆژە ستراتیژییەى حکوومەتى کوردستان و پرۆژەکانى دیکە لە شارەکانى کوردستان ، ئاماژەیە بەو راستییەى کە ،وێراى هەموو ئاڵنگاریی و کێشەکانى بەردەم حکوومەتى کوردستان، بەڵام لە خزمەتکردنى خەڵکى کوردستان هەر لە هەڵەبجەوە و تا زاخۆ بەردەوامە ، بەتایبەتى چارەسەرى گرفتى کەم ئاوى و کارەبای بۆ گەیاندنى خزمەتگوزارى زیاتر بە هەموو دانیشتیوانى کوردستان بەتایبەتى بۆ ناوچەکە دوورە دەستەکان ، ئاماژەیە بۆ گرنگیدان و پرۆژەى مەسروور بارزانى، وەک سەرکردەیەکى خاکەرایی و سەرۆکى حکوومەتى کوردستان لە پێناو باشترکردنى ژیانى هاووڵاتییان و گەشەپێدانى بەردەوامى کوردستان
