يادا ١٦ی ئاب، ساڵڕۆژا دامەزراندنا پارتی دیموکراتی کوردستان و هەروەسا ساڵڕۆژا ژ دایکبوونا جەنابی سەرۆک مسعود بارزانی، گەرمترین پیرۆزبایی ل جەنابی سەرۆک، هەمی کادر و ئەندام و پشتەڤانێن پارتی و هەمی ئەو دڵسۆزێن کوردستانێ دکەم.
١٦ی ئاب بۆ مە بتنێ رۆژەکا مێژوویی نینە؛ بەلکۆ ئەڤ رۆژە یا پڕە ژ یادەوەریا و خەباتێ، ماف و خەونێن گەلێ مە. ل هەمان دەمێدا، ئەڤ رۆژە پێدڤیە بۆ مە ببیتە دەرفەتەک بۆ وێ چەندێ تەماشەی ئایندێ پارتی و ئایندێ کوردستانێ بکەین.
ئەڤڕۆ جیهان ب لەزاتیەکا بێوێنە دهێتە گوهرین. سەردەمێ زیرەکیا دەستکرد (AI)، تەکنەلۆجیا، زانیاری و کارىت نوویە، وە نە بتنێ شێوازێ ژیانێ گۆهڕیە، بەڵکوو شێوازێ فێربوون، کارکرن، بڕێڤەبرنێ و پەیوەندیێن کۆمەڵایەتی ژی گۆهڕیە.
ل ڤی سەردەمێدا، پارتی ژی پێدڤیە ل گەل گۆهڕاینا بەرەڤ پێش بچیت. دڤێت گۆهڕین بتنێ گۆهڕینا شێوازێ کارکرنێ نەبیت؛ بەڵکوو نووکرنا هزرکرنێ، نووکرنا جەوهەرێ کارکرنێ و ئامادەبوون بۆ پێدڤیێن جیلێ نوو بیت.
پارتی د شێت ب ئەزموونا مێژوویا خۆ، ل گەل شیانێن تازە یێن گەنجان و تەکنەلۆجیایێ، قۆناغەکا نووێ ل خزمەتکرنا خەلکی و پەرەپێدانا کوردستانێ دەست پێ بکەت.
قوتابي و لاوان؛ هێزا گۆهڕینێ و داهاتی پارتی نه؛
وەک کادرەکێ ریکخراوا قوتابی و لاوان، ئەز وێ باوەرێ مە کو گرنگیدانا پارتی ب قوتابیان و لاوان پێدڤیە بتنێ ب ئاخفتن و پیرۆزباییێن رۆژێن تایبەتدا نەبیت؛ بەڵکوو دڤێت ل کار و بڕیارێن راستەقینەدا بهێتە دیارکرن.
رێکخراوێن قوتابیان و لاوان دشێن ببنە مەیدانا
پەروەردەکرنا کادرێن نوو، و پەرەپێدانا هێزر و شیانێن قوتابی و لاوان و ببنە پرەکا بهێز ناڤەبەینا پارتی و جیلێ نووی.
پێدڤیە قوتابی و لاو نەک بتنێ وەک هێزەکا پشتەڤان ل چالاکیێن پارتێ بهێنە دیتن؛ بەڵکوو ب متمانە و دەرفەت بهێنە پشتگیریکرن، دا بشێن ل پلانکرن، بڕیاردان، بڕێڤەبرن و دروستکرنا هێزرین نوو رۆلەکێ کاریگەر بینین.
ب تایبەتی ل سەردەمێ AI دا، پێدڤیە رێکخراوێن قوتابیان و لاوان زیاتر ل سەر زانین، خوێندن، تەکنەلۆجیا، نووکارى و پەرەپێدانا شیانێن لاوان کار بکەن؛ چونکی ئەڤ جیلە دێ بەرپرسیارێتییا داهاتی وەلاتی هەلگرێن.
قوتابی و لاو بتنێ ئایندێ پارتی نین؛ بەلکۆ بەشەکێن ژ نوکە یا پارتییە. ئەگەر ئەڤڕۆ بهێنە پشتگیریکرن و متمانە پێ بهێتە دان، دێ ئایندەی کادرێن بهێزتر، زانایتر و خاوەن توانایتر هەبن.
دوماهیکێ ل ڤی رۆژا پیرۆزدا، یا گرنگ بیژێن: مێژوو پارێزە، ل سەردەمێ نوو فێربە، گۆهڕین وەربگرە و باوەریێ ب قوتابی و گەنجان بکە. چونکە پارتەکا خودان مێژوو، بۆ مانا خۆو و پێشڤەچوونێ پێدڤی ب جیلەکێ نوو، هێزرەکا نوو و شێوازەکێ نوو یێ کارکرنێ هەیە.
هیڤیا مە ئەوە رێکخراوێن قوتابیان و لاوان ل داهاتی پارتی دا جێگەهەکێ گرنگتر و کاریگەرتر هەبیت، و گەنجان ببنە بەشدارێن راستەقینە یێن ئاڤاکرنا داهاتووی.
١٦ی ئاب ساڵڕۆژا دامەزراندنا پارتی دیموکراتی کوردستان و ژ دایکبوونا جەنابی سەرۆک مسعود بارزانی پیرۆز بیت.
مێژوو شانازییا مەیە، گۆهڕین پێدڤیێن سەردەمێینە، قوتابی و لاو هێزا گۆهڕینێنانە، و سەربەخویی و دەولەتا کوردستانێ ئارمانجا هەمی هەوڵێن مەیە.
متین علی حسین
ئەندامێ مەکتەبا سکرتاریەتا قوتابی و لاوێن دیموکراتا کوردستانێ