ساندرا بۆلۆک دوای دوو ساڵ دوورکەوتنەوە لە کاری هونەری جارێکی دیکە بەرهەمی نوێ پێشکەش دەکات. ئەم ئەکتەرە لە دوای کۆچی دوایی هاوسەرەکەی لە 2023 بڕیاریدابوو تەنیا تەرخانی بەخێوکردنی منداڵەکانی بێت.
دوای ئەم بڕیارە سەختە، بۆلۆک دەست بە بەشداریکردن لە ڕیکلامی فیلمی “Practical Magic 2” دەکات. سەرەتای بڵاوبوونەوەی ئەم بەرهەمە سینەماییە لە مانگی ئەیلوول دەبێت.
لەم دواییانەدا ئەم ئەکتەرە لەگەڵ نیکۆڵ کیدمان لە فێستیڤاڵێکدا دەرکەوت و دڵخۆشی خۆی بۆ گەڕانەوە دەربڕی. جگە لەوەش، ڕایگەیاند، دەستکردن بەم کارە نوێیە وەک گەڕانەوەیە بۆ ماڵێکی کۆن. هەروەها هەوادارانی هیوادارن لە ئایندەدا لەگەڵ کیانۆ ڕیڤز بەرهەمێکی نوێ هاوشێوەی فیلمی “Speed” ئەنجام بدەن.
هەردوو ئەکتەر بەردەوام حەزی خۆیان بۆ کاری هاوبەش ڕاگەیاندووە. ئەم ڕووداوە هەوادارانی بەڕادەیەکی زۆر بەپەرۆش کردووە و ورەی سینەماکارانی بەرزکردووەتەوە.