لە کارگەی کولتووری سلێمانی، بە بەشداری ژمارەیەک لە فێرخوازان، وۆرکشۆپی “سەد ڕێگا” لەبارەی بەرهەمهێنانی فیلم بەڕێوەچوو.
وۆرکشۆپەکە لە 9ـی ئەم مانگە دەستیپێکرد و بە ئامادەبوونی د. موحسین ئەدیب، بەڕێوەبەری گشتی ڕۆشنبیری و هونەری سلێمانی، جەبار محەمەد، بەڕێوەبەری بەشی هونەری سینەما، رۆژی دووشەممە 9ـی ئەم مانگە کۆتایی هات
.
ئەم وۆرکشۆپە لەلایەن بەشی هونەری سینەمای بەڕێوەبەرایەتی گشتی ڕۆشنبیری و هونەری سلێمانی، بە هەماهەنگی فێستیڤاڵی نێودەوڵەتی فیلمی ١٠٠ و بە سەرپەرشتی سەید محەمەد ڕەزا و بە بەشداری ٣٠ فێرخواز بەڕێوەچوو.
لە کۆتایی وۆرکشۆپەکەدا، فیلمێکی کورت بەرهەم هێنرا، کە بەرهەمی هاوبەشی هەموو فێرخوازە بەشداربووەکانە و بڕیارە بەشداری فێستیڤاڵی نێودەوڵەتی فیلمی ١٠٠ لە ئێران بکات.
لەکۆتاییدا، د. موحسین ئەدیب سوپاسنامە و پێزانینی خۆی پێشکەش بە سەید محەمەد ڕەزا کرد، بەرامبەر بە هەوڵ و ماندووبوونی لە بەڕێوەبردنی وۆرکشۆپەکە.