“بۆرەی قاپلان” كە رۆمانێكی مێرمنداڵانەیە و ساڵانی زووتر، نووسەر عەزیز مەلای ڕەش نووسیویەتی و سەرەتای نەوەدەكانی سەدەی رابردوو چاپی كردووە و د. كەمال مەزهەر پێشەكی بۆ نووسیوە.
“بۆرەی قاپلان” بەرهەمێكی ئەدەبیی ناوازەیە بۆ مێرمنداڵان، بەڵام بەهۆی ئەوەی کۆپی ئەم ڕۆمانە لە بازاڕ و كتێبخانەكاندا نەمابوو و دەست نەدەكەوت، بۆیە بەڕێوەبەرایەتیی گشتی رۆشنبیری و هونەری هەولێر، بڕیاردرا لە چوارچێوەی زنجیرە كتێبە چاپكراوەكانی، دووبارە چاپی بكەنەوە.
رۆمانەکە بە زمانێكی سادە و رەوانی كوردانە نووسراوە و بابەتی پەندئامێزە بۆ مێرمنداڵان، دەكرێ ئەم چینە زیندووەی كۆمەڵگە لە ڕێی بەرهەمگەلی وا كوردانە و زمانپاراوانە بخرێنە سەر رێچكەی خوێندنەوە و خۆڕۆشنبیر كردن.