ئەکتەری ئەمریکی ماسیو ماکۆنەی ڕوونکردنەوەی دا لەبارەی بەشداری نەکردنی لە فیلمی بەناوبانگی تایتانیک.
لەمیانی بەشداریکردنی لە پۆدکاستێکدا، ماکۆنەی جەختی کردەوە، بەرهەمهێنەران بە فەرمی داوای ڕۆڵی جاک داوسۆنیان لێنەکردووە.
ئاماژەی بۆ ئەوە کرد، تەنیا تاقیکردنەوەی نواندنی لەگەڵ کێت وینسڵێت ئەنجامداوە و بەردەوام لەو بڕوایەدابووە کە کارێکی باشی پێشکەش کردووە.
لەلایەکی دیکەوە، هەندێک لە سەرچاوەکان ئاماژە بەوە دەکەن، شێوازی ئاخاوتنی باشووریی ماکۆنەی بووەتە هۆی ئەوەی دەرهێنەر جەیمس کامێرۆن بڕیار بدات ڕۆڵەکە بداتە لیۆناردۆ دی کاپریۆ.
ماکۆنەی بە جۆش و ورە بڵندەوە باسی لەو سەردەمە کرد و ڕایگەیاند، بەردەوام سەرسام بووە بە بڵاوبوونەوەی ئەو دەنگۆیانەی کە گوایە ڕۆڵەکەی ڕەتکردووەتەوە. ئەم بڕیارە مێژوویییە بووە هۆی دروستبوونی یەکێک لە سەرکەوتووترین فیلمەکانی مێژووی سینەما لە جیهاندا.