ئەکتەری ئەمریکی، هايدن بانيتيير لە تەمەنی ٣٦ ساڵیدا کۆچی دوایی کرد، ئەمەش پاش ئەوەی لەلایەن گوتەبێژی فەرمی و خێزانەکەیەوە هەواڵەکە بۆ دەزگا ڕاگەیاندنەکان پشتڕاستکرایەوە.
سکێپ بانيتيير، باوکی ئەکتەرەکە، لە ڕاگەیەندراوێکی دڵتەزێندا هاوخەمی و خەمی قووڵی خێزانەکەی دەربڕی و ڕایگەیاند: “بەکۆستێکی گەورەوە ڕایدەگەیەنین کە کچە خۆشەویستەکەمان هايدن لەدەستدا. ئەو ڕووناکییەکی گەش و هێزێکی سروشتی بوو کە خۆشەویستی و شادییەکی بێسنووری دەبەخشییە دەوروبەری و ملیۆنان بینەر لە سەرانسەری جیهاندا”.
هیچ زانیارییەکی فەرمی لەلایەن خێزانەکەی و پۆلیسەوە سەبارەت بە هۆکار و وردەکارییەکانی کۆچی دوایی بڵاونەکراوەتەوە، ئەمەش سەرنجی میدیاکانی زیاتر ڕاکێشاوە.
هايدن بانيتيير لە ڕێگەی ڕۆڵی سەرەکیی لە زنجیرە تەلەڤزیۆنییە بەناوبانگەکەی “Heroes”ـدا ناوبانگێکی جیهانی بێئەندازەی بەدەستهێنا و بووە یەکێک لە رووخسارە دیارەکانی شاشە.
دواتریش بە ڕۆڵگێڕانی سەرکەوتووانەی لە زنجیرەی “Nashville”ـدا پێگەی خۆی لە پیشەسازی درامادا قووڵتر کردەوە.