فیلمی نوێی سینەمایی “Resident Evil” نمایشی بە دەستپێکێکی بەهێز لە هۆڵەکانی سینەمای ئەمریکای باکوور دەستپێکرد، پێشبینییەکان ئاماژە بۆ ئەوە دەکەن، گەورەترین دەستپێک لە مێژووی تەواوی زنجیرەکەدا تۆمار دەکات.
ئەم بەرهەمە لە دەرهێنان و نووسینی زاک کریگەرە، لە یەکەم ڕۆژی نمایشکردنیدا نزیکەی 26.3 ملیۆن دۆلاری کۆکردەوە، لەو بڕەش 8.8 ملیۆن دۆلاری لە نمایشە بەراییەکانی شەوی پێنجشەممەوە دەستکەوتووە.
کۆمپانیای سۆنی پیکچەرز رایگەیاند، داهاتی سێ ڕۆژی یەکەمی هەفتەی دەستپێکی بەرهەمەکە لە نێوان 53 بۆ 55 ملیۆن دۆلار دەبێت، ئەگەری بەرزبوونەوەشی هەیە بۆ 60 ملیۆن دۆلار.
فیلمەکە بە بڕی 75 ملیۆن دۆلار بەرهەمهێنراوە و لە 3684 هۆڵی سینەمایی نمایشکراوە، لەلایەن ڕەخنەگران و بینەرانەوە پێشوازییەکی زۆر گەورەی لێکراوە.
زاک کریگەر لەم بەرهەمەدا سەرکەوتنێکی گەورەتری لە فیلمی پێشووی خۆی بە ناوی “Weapons” بەدەستهێنا. ئۆستن ئەبرامز و زاک شێری و کالی ڕێس و پۆڵ وۆڵتەر هاوزەر ڕۆڵی سەرەکی تێدا دەگێڕن.