هونەرمەندی میوزیکژەنی ناسراوی کورد، رەشید سۆفی، ناسراو بە “شازادەی عود” لە رۆژئاوای کوردستان کۆچی دوایی کرد.
ئەو هونەرمەندە یەکێک بوو لە پایەکانی هونەر و میوزیکی کولتووری کوردی، لە 1953 لە شاری کوبانێی رۆژئاوای کوردستان لەدایکبووە و لە 1970 دەستی بە کاری هونەری کردووە.
کۆچکردوو، بە میلۆدییە جیاوازەکانی ناسراوە کە ناوبانگێکی بەرفراوانی بەدەستهێناوە، وەک (خازیە هێڤی، گۆلێستانە دڵ و جاڤی یارمان).
لە هەشتا و نەوەدەکاندا لە تەلەڤزیۆنی سوریا کاری کردووە و چەندین بەرهەمی هونەری پێشکەشکردووە، کە میوزیکی کوردییان دەوڵەمەندتر کردووە.
رەشید سۆفی، بە هۆی نەخۆشییەوە رۆژی دووشەممە 17ـی شوباتی 2025 کۆچی دوایی کرد.