ڤیتامین سی بەیەکێک لە گرنگترین ڤیتامینەکان بۆ پارێزگاریکردن لە بەرگری جەستە دادەنرێت، زانایان بەردەوام جەخت دەکەنەوە هەبوونی لە سیستمی خۆراکیدا سوودێکی زۆری لە ڕێگریکردنی نەخۆشیەکاندا هەیە.
سەرچاوە سەرەکیەکانی ڤیتامین سی:
-مزرەمەنیەکان
مزرەمەنیەکانی وەک پڕتەقاڵ، لیمۆ و سندی دەوڵەمەندن بە ڤیتامین سی و دژەئۆکسانە بەهێزەکان بەرگری جەستە دژی نەخۆشییەکان بەهێزدەکەن.
-پەتاتە
پەتاتە یەکێکە لەو خواردنانەی بەهۆی هەبوونی کانزای پۆتاسیۆم و ڕیشاڵەکان سوودێکی زۆری بۆ تەندروستی دڵ هەیە، لەگەڵ ئەوەشدا ڕێژەیەکی زۆر ڤیتامین سی تێدایە.
-شلیک
سەرچاوەیەکی سەرەکی ڤیتامین سی و دژەئۆکسانەکانە پارێزگاری لە تەندروستی دڵ دەکات.
-کیوی
کیوییەکی قەبارە ناوەند نیوەی ئەو ڕێژەیە ڤیتامین سی تێدایە کە جەستە ڕۆژانە پێویستی پێیەتی، هەروەها سوودێکی زۆری بۆ کرداری هەرس هەیە.
-سپێناخ
یەکێکە لە سەوزەواتە زۆر گرنگەکان بۆ تەواوی تەندروستی جەستە، هەروەها دەوڵەمەندە بە ڤیتامین سی کە ڕۆڵی لە بەهێزبوونی بەرگری جەستەدا هەیە.