توێژینەوەیەکی نوێ دەریخستووە خواردنەوەی ئاو و لیمۆ سوودێکی زۆری بۆ جەستە هەیە و لە وشکبوونەوە دەیپارێزێت، دەوڵەمەندە بە ڤیتامین سی و دژەئۆکسانەکان وزەیەکی زۆر بە جەستە دەبەخشێت و پارێزگاری لە تەندروستی دەکات.
ڕۆژانە خواردنەوەی گیراوەی ئاو و لیمۆ سوودێکی زۆری بۆ پێست هەیە و ڕێگری لە دروستبوونی کێشەکانی دەکات، جەستە لە ژەهرەکان پاکدەکاتەوە، یارمەتی کرداری هەرس و گەدە دەدات، ڕۆڵێکی گرنگی لە کۆنتڕۆڵکردنی کێشدا هەیە.
پزیشکەکان ڕێنمایی دەدەن هەر لیترێک ئاو چوار بۆ پێنج پارچە لیمۆی تێبکرێت و تەواوی ڕۆژەکە بخورێتەوە، چونکە سوودی سەرسوڕهێنەری بۆ جەستە هەیە و بەیەکێک لە باشترین خواردنەوە سروشتییەکان بۆ جەستە دادەنرێت.