توێژینەوەیەکی نوێی ئەمریکی سودێکی نوێی زەیتی ماسی ئاشکرا کردووە کە دەوڵمەندە بە ترشە چەوری بەسودی ئۆمیگا3.
ئاوێنە، راگەیاندنی تەندروستی سلێمانی: توێژینەوەكە ئەوەشی ڕوونکردەوە خواردنی زەیتی ماسی کە دەوڵەمەندە بە ئۆمیگا3 ئەبێتە هۆی درێژکردنەوەی تەمەنی خانەکانی مێشک و پاراستنیان لە زەهایمەر و درێژکردنەوەی تەمەنی گەنجێتی.
پاش لێکۆڵنەوەو پشکنینی ئاستی ترشی ئۆمیگا3 لە خرۆکە سورەکانی خوێندا بۆ زیاتر لە هەزار ژن ئەوەیان ڕونکردۆتەوە ئەو ژنانەی ئاستی ترشە چەوری ئۆمیگا 3 یان بەرز بوە بەشێوەیەکی بەرچاو قەبارەی دەماغیان فراوان بووە بە پێی ڕۆژنامەی دەیلی مەیلی بەریتانی توێژینەوەکە ئاماژەی بەوەداوە پەیوەندیەکی بەتین هەیە لە نێوان کەمبونەوەی ئۆمیگا3 و بچوکبونەوەی فەبارەی دەماغ لەگەڵ تێپەڕبوونی تەمەندا.
بەرزبوونەوەی ئاستی ئۆمیگا3 ئەبێتە هۆی زیادبونی قەبارەی ناوچەی هیبۆکامبۆس کە بەسەنتەری سەرەکی یادەوەری لەدەماغدا ئەژمار دەکرێت،ئەتوانرێت بە خواردنی زەیتی ماسی پارێزگاری لێبکرێت.