سەرچاوەیەکی ئەمنی ڕایگەیاند کە هێزێکی تایبەتی دەزگای دژەتیرۆری عێراق، کە لە بەغداوە ڕەوانە کرابوون، بەرپرسی یەکەی زانیاری و هەواڵگری بزوتنەوەی نوجەبایان لە پارێزگای زیقار دەستگیرکردووە.
دەستگیرکردنەکە دوای ئەوە هات کە هێزە ئەمنییەکە هەڵیانکوتاوەتە سەر ماڵی ناوبراو لە ناحیەی ‘فەزیلیە’ کە دەکەوێتە باشووری شاری ناسریە.
سەرچاوەکە ئاماژەی بەوەش داوە کە ئەم بەرپرسە بە یەکێک لە ڕاهێنراو و سەرکردە دیارەکانی بزوتنەوەکە ئەژمار دەکرێت.
دەستبەجێ دوای دەستگیرکردنی، تۆمەتبارەکە ڕەوانەی بەغدا کراوە بۆ ئەوەی ڕێکارە یاساییەکان و لێکۆڵینەوەی پێویستی لەگەڵدا ئەنجام بدرێت.