عێراق، ئەمڕۆ نرخی نەوتی خاەی “کێش مامناوەند”ی بەسرەی کە ئاراستەی بازاڕەکانی ئاسیا دەکرێت بەرزکردەوە، بە زیادەیەکی (عەلاوە) نزیکەی 1.70 دۆلار بۆ هەر بەرمیلێک؛ ئەم هەنگاوەش بە ئامانجی سوودوەرگرتن لە شەپۆلی بەرزبوونەوەی نرخەکانی نەوت لە جیهان و زیادکردنی داهاتە نەوتییەکان دێت.
ئەم جووڵەیە لە کاتێکدایە کە نرخی نەوتی خامی مامناوەندی بەسرە گەیشتووەتە نزیکەی 119 دۆلار بۆ هەر بەرمیلێک، ئەوەش بەهۆی هەڵکشانی گرژییە جیۆپۆلیتیکییەکان و ناجێگیریی دابینکردنی نەوت، کە ئەمەش پێگەی نەوتی عێراق لە بازاڕەکانی ئاسیادا بەهێز دەکات و دەرفەتێکی زیاتری پێ دەدات بۆ زیادکردنی پشکی خۆی لە بازاڕدا.
