ڕێکخراوی (پەیامنێرانی بێ سنوور)، ئەمڕۆ ڕایگەیاند کە ئازادیی ڕۆژنامەگەری لە عێراقدا پلەی ١٦٢ی لە کۆی ١٨٠ دەوڵەت لەسەر ئاستی جیهان لە ساڵی ٢٠٢٥دا بەدەست هێناوە؛ بەمەش ٧ پلە پاشەکشەی کردووە بەراورد بە ڕیزبەندی پێشوو کە ١٥٥ بوو، ئەوەش بەهۆی سەرهەڵدانی ململانێ چەکدارییەکان بە شێوەیەکی بەردەوام.
بەپێی پێوەرەکە، ئەڵمانیاش ٣ پلە پاشەکشەی کردووە و ئێستا لە پلەی ١٤دایە، ڕێکخراوەکە هۆکارەکەی بۆ زیادبوونی هەڕەشەکان بۆ سەر ڕۆژنامەنووسان لە ئینتەرنێت و لە مەیدانەکەدا گەڕاندووەتەوە.
گۆڕانکارییەکان لە ناوچە عەرەبییەکان و ڕۆژهەڵاتی ناوەڕاست:
لە کاتێکدا هەندێک وڵاتی ڕۆژئاوایی پاشەکشەیان کردووە، هەندێک وڵاتی ناوچەکە پێشکەوتنی بەرچاویان بەدەست هێناوە:
سووریا: گەورەترین پێشکەوتنی بەخۆوە بینیوە و لە پلەی ١٧٧ـەوە بۆ ١٤١ سەرکەوتووە، ئەوەش دوای ڕووخانی ڕژێمی ئەسەد.
مۆریتانیا: لە ڕیزبەندی وڵاتانی عەرەبیدا لە پلەی یەکەمدایە (پلەی ٦١ی جیهانی).
قەتەر: لە پلەی ٧٥ و مەغریب لە پلەی ١٠٥ی جیهانیدایە.
لوبنان: لە پلەی ١١٥ دایە.
ئیسرائیل: ٤ پلە پاشەکشەی کردووە و کەوتووەتە پلەی ١١٦، ئەوەش بەهۆی بەردەوامیی جەنگی غەززە.
فەلەستین: پێشکەوتنێکی کەمی بەدەست هێناوە و لە پلەی ١٥٦ دایە.
ڕیزبەندی وڵاتانی دیکە:
عومان: ١٢٧، کووەیت: ١٣٦، تونس: ١٣٧، لیبیا: ١٣٨.
ئوردن: ١٤٢، جەزائیر: ١٤٥، ئیمارات: ١٥٨.
سۆدان: ١٦١، عێراق: ١٦٢، یەمەن: ١٦٤، میسر: ١٦٩، بەحرەین: ١٧٠.
سعوودیە: بۆ یەکەمجار چووەتە لیستی ١٠ کۆتا دەوڵەت و پلەی ١٧٦ی گرتووە (بەهۆی لەسێدارەدانی ڕۆژنامەنووس تورکی جاسر).
ئێران: لە پلەی ١٧٧ دایە.
ڕەوشی جیهانی:
ڕێکخراوی پەیامنێرانی بێ سنوور ئاماژەی بەوە کردووە کە ڕەوشی ئازادیی ڕۆژنامەگەری لە جیهاندا جارێکی دیکە خراپتر بووە. پێشبینی دەکرێت لە ساڵی ٢٠٢٦دا تەنها ٪١ی دانیشتووانی جیهان لەو وڵاتانەدا بژین کە خاوەنی دۆخێکی “باش”ن بۆ ئازادیی ڕۆژنامەگەری.
وڵاتی نەرویج هێشتا لە پلەی یەکەمدایە، لە دوای ئەویش هۆڵەندا و ئیستۆنیا دێن. هەروەها دۆخی ئازادیی ڕۆژنامەگەری لە دانیمارک، سوید، فینلەندا و ئیرلەندا بە “باش” هەژمار دەکرێت.