ئه‌ركێ كۆنسۆلێ گشتی یێ ئه‌ڵمانیا ل هه‌رێما كۆردستانێ ب دۆماهی هات و خاترا خۆ ژ پارێزگه‌ها دهۆكێ خواست

ئه‌ڤرۆ ڕۆژا سێشه‌مبی ٢٨ێ تیرمه‌ها ٢٠٢٦ێ به‌ڕێز”د.عه‌لی ته‌ته‌ر” پارێزگارێ دهۆكێ پێشوازی ل به‌ڕێز” ئەلبرێشت ڤۆن ڤیتکە Albrecht von Wittke” كۆنسۆلێ گشتی یێ ئه‌ڵمانیا ل هه‌رێما كۆردستانێ كر و د ڕۆنشتنێ دا به‌ڕێز پارێزگارێ دهۆكێ ب هه‌لكه‌فتا بدۆماهی هاتنا ئه‌ركێ ناڤبری ل هه‌رێما كۆردستانێ ‌ بناڤێ خه‌لكێ پارێزگه‌هێ خه‌لاتێ ڕێزلێنانێ پشێكشكر و ڕۆلێ وان ل كۆنسۆلخانه‌یێ د چه‌ند بوارێن جۆدادا به‌رز‌ نرخاندن و هێڤیا سه‌ركه‌فتنێ د ئه‌ركێ وی یێ نودا ل وه‌لاتێ سویسرا بۆ خواست.
ژلایێ خۆڤه‌ كۆنسۆلێ گشتی په‌سنا مێڤاندوستی و پێشكه‌فتن و ڕویێ جوان یێ پێكڤه‌ژیانێ ل هه‌رێما كۆردستانێ كر پاش دوپاتی ل به‌رده‌وامییا په‌یوه‌ندیێن دێرین و دووقولى دناڤبه‌را هه‌رێما كوردستانێ و وه‌لاتێ ئه‌ڵمانیا و پارێزگه‌ها دهۆكێ دگه‌ل ویلایه‌تا “بادن-ڤورته‌مبێرگ” د بوارێن ئابورى وبازرگانى وكلتورى و چاندنێ و پێشئێخستنا په‌یوه‌ندیان دهه‌موو بواراندا ب گشتی هاته‌كرن.