دوای ئەوەی چەند هاووڵاتییەک بە مەبەستی تۆمارکردنی سکاڵا سەردانی بەڕێوەبەرایەتی پۆلیسی پارێزگای هەولێریان کرد، بەهۆی ئەوەی بە خواردن ژەهراوی بووبوون، دەستبەجێ لێکۆڵینەوەی ورد و توند دەستی پێکرد.
لە ئەنجامی بەدواداچوونەکان، دەرکەوت کە دوو تۆمەتبار بە ناوەکانی (م. ج. ا) و (ن. ج. ا) لە ڕێگەی دانانی عارەبانەیەکی فرۆشتنی لەفەی شاورمە و ڕۆست لە یەکێک لە گەڕەکەکانی شاری هەولێر، هۆی ژەهراوبوونی ژمارەیەکی زۆر لە هاووڵاتییان بوون. هەروەها دەرکەوت کە ناوبراوان هیچ مۆڵەتێکی تەندروستی و شارەوانییان نەبووە و سەرلەبەری کارکردنیان قەدەغە بووە.
لە ئێستادا بە بڕیاری بەڕێز دادوەری لێکۆڵینەوەی هەولێر، تۆمەتباران ڕاگيراون و لێکۆڵینەوە لە ڕووداوەکە بەردەوامە.
ڕاگەياندنی بەڕێوەبەرايەتی پۆليسی پارێزگای هەولێر