بەربژێرێ ژمارە 9 لسەر لیستا 190یا پارتی ل بازنا دهۆکێ راگەهاند: وەکی بەربژێرەکێ پارتی ل دەڤەرا ئاکرێ دێ هەمی شیان فە کارکەم بۆ هندێ ئاکرێ بکەینە ئیدارەکا سەربەخۆ و پڕۆژێن زێدەتر بۆ فێ دەڤەرێ بینین.
برزو عبدی سورچی بەربژێرێ ژمارە 9 لسەر لیستا 190یا پارتی دیموکراتی کوردستان ل بازنا دهۆکێ بۆ ئاژانسا هەواڵی زاگرۆس راگەهاند: دێ کارکەین ژ بۆ دانانا جێبەجێ کرنا دەستورەکێ هەمیشەی بۆ هەرێما کوردستانێ و باشتر کرنا رەوشا ئابوورێ کو پڵانا و بەرنامێن پارتی نە ئەم وەکی کاندیدێن پارتی و سەرۆک بارزانی دێ لسەر ڤێ خەباتێ بەردەوام بیت بۆ هندێ کوردستان یا پاراستی بیت ژ هەر پیلان و دژمنکاریەکێ ج ل نافخۆ چ ل دەرڤە.
سورچی دیار ژی کر: ئەز وەک دەرچویەکێ پەروەردێ دێ کارکەم ژ بۆی دانانا سیستەمەکێ کو ژێرخانا پەروەردێ ل باشی بەرەڤ باشتری ببەین، هەمادەم دا دێ کارکەین بۆ باشترکرنا رەوشا پەکەفتی وکێم ئەندام و دەرکرنا یاسایەکێ بۆ ئەرد و خانیێت زێدە کاڤی یان (تجاوز) بۆ خەلکێ هەژار و کێم دەرامەت.
برزو سورچی بەربژێرێ ژمارە 9 لسەر لیستا 190یا پارتی ل بازنا دهۆکێ زێدەتر بۆ ئاژنسا هەواڵی زاگرۆس گۆت: هیفیە ببمە جهێ باوەریا خەلکێ خۆ بوهندێ دناڤ لیستا 190یا پارتی ل پەرڵەمانێ کوردستانێ ببەمە دەنگ و رەنگێ خەلکێ هەژار ل پارێزگەها دهۆکێ تایبەتی و کوردستانێ بگشتی.