دوای چەندین کاتژمێر لە گەڕان و بەدواداچوونی بەردەوام، بەیانی ئەمڕۆ تەرمی مامۆستا (ئەحمەد جانگیر) لە ڕووباری زێی مەزن لە دەڤەری شێلادزێ لەلایەن تیمەکانی نقومەوانان و خەڵکی ناوچەکەوە دۆزرایەوە.
دوای ئەوەی ئێوارەی دوێنێ مامۆستا (ئەحمەد جانگیر زێوکی ڕێکانی)، کە نیشتەجێی کۆمەڵگای سیریێ بوو، بە مەبەستی ماسیگرتن ڕووی لە ڕووباری زێی مەزن کرد و بێسەروشوێن بوو، گومانەکان ڕاست دەرچوون کە کەوتبێتە ناو ئاوەکە و خنکابێت؛ هەر بۆیە دوای دەستپێکردنی هەڵمەتێکی بەرفراوانی لێگەڕیان لەلایەن خەڵکی دەڤەرەکەوە، سەرەنجام تەرمەکەی لەناو ڕووبارەکەدا دۆزرایەوە.
تیمەکانی فریاگوزاری و نقومەوانان بە هاوکاری هاوڵاتیانی دەڤەرەکە، لە کاتژمێرەکانی سەرەتای بەیانی ئەمڕۆدا توانیان شوێنی تەرمەکە دەستنیشان بکەن و لە ئاوی زێی مەزن بدۆزنەوە.