وەزارەتی دەرەوەی قەتەر لە بەیاننامەیەکدا هێرشی درۆنی بۆ سەر نێوەندە نەوتییەکانی عەرەبستانی سعوودی لە خاکی عێراقەوە بە توندی سەرکۆنە کرد.
لەم بەیاننامەیەدا، لە هەژماری وەزارەتی دەرەوە لە تۆڕی کۆمەڵایەتیی ئێکس بڵاو کراوەتەوە، هاتووە: حکوومەتی قەتەر ئەم کارە بە “پێشێلکردنی ئاشکرای سەروەریی سعوودیە، هەڕەشە بۆ سەر ئاسایش، سەقامگیری و پاراستنی خاکەکەی و هەروەها پێشێلکارییەکی گەورەی یاسا نێودەوڵەتییەکان، میساقی نەتەوە یەکگرتووەکان و پرەنسیپەکانی دراوسێیەتیی باش” دەزانێت.
هەروەها لە بەیاننامەکەدا هاتووە: وەزارەتی دەرەوەی قەتەر هاوسۆزیی تەواوی حکوومەتی وڵاتەکەی لەگەڵ سعوودییە و پشتیوانیی لە “هەموو ڕێکارە یاساییەکانی ئەم وڵاتە بۆ پاراستنی سەروەری، ئاسایش و سەلامەتیی خاکەکەی” دوپات دەکاتەوە.