ئەمڕۆ سێشەممە (١ی ئەیلوولی ٢٠٢٦)، چوارچێوەی کاری هاوبەشی حکومی، بە ئامادەبوونی هەریەک لە سەفین دزەیی، هیوا ئەفەندی و د. جوتیار عادل، کۆبوونەوەیەکی گرنگی هەماهەنگی لەنێوان هەرسێ فەرمانگەی پەیوەندییەکانی دەرەوە، فەرمانگەی تەکنەلۆجیای زانیاری و فەرمانگەی میدیا و زانیاری ئەنجام درا.
ئامانجی سەرەکیی کۆبوونەوەکە، بەهێزکردنی هەماهەنگیی دامەزراوەیی نێوان هەرسێ فەرمانگە بوو، بەمەبەستی گونجان لەگەڵ پێشهاتە خێراکانی سەردەم، هەروەها یەکخستنی هەوڵەکان بۆ ڕووبەڕووبوونەوەی ئەو ئاڵەنگارییانەی دێنە پێشەوە، لەپێناو خزمەتکردنی ئامانجە ستراتیجییەکانی هەرێمی کوردستان.
فەرمانگەی میدیا و زانیاری