بەشی ڕۆشنبیری و ڕاگەیاندنی پارتی دیموکراتی کوردستان، پەیامێکی پیرۆزبایی بەبۆنەی (٣٤)ەمین ساڵیادی دامەزراندنی ڕادیۆی دهۆک ئاراستەی بەڕێوەبەر، تەواوی کارمەندان و بیسەرانی ئەو دەزگایە کرد.
لە پەیامەکەدا هاتووە: “ڕادیۆی دهۆک هەمیشە دەنگێکی دیاری خستنەڕووی خواستەکانی هاووڵاتییان و پرسە نەتەوەیی و نیشتمانییەکان بووە.”
هاوکات، بەشی ڕۆشنبیری و ڕاگەیاندنی پارتی دیموکراتی کوردستان وێڕای دەستخۆشی لە کار و ماندووبوونی ستافی ڕادیۆکە، پاڵپشتیی بەردەوامی خۆی بۆ پێشکەوتن و سەرکەوتنی زیاتری ڕادیۆی دهۆک دووپات کردووەتەوە و هیوای بەردەوامیی بۆ خواستوون.