ئەنجومەنی وەزیرانی کۆدەبێتەوە و پرسی مووچەی مانگی شەشی فەرمانبەران، پێشمەرگە، هێزە ئەمنییەکان و خانەنشینان تاوتوێ دەکات.
ئەمڕۆ چوارشەممە 3ی تەممووزی 2024 ئەنجومەنی وەزیران بە سەرپەرشتیی سەرۆکوەزیران بارزانی کۆبوونەوەی هەفتانەی خۆی دەکات و دوایین پێشهاتەکان تاوتوێ دەکات.
کۆبوونەوەکە کاتژمێر 11:00 دەستپێدەکات و تەوەرەکان بریتین لە:
یەکەم: خستنەڕووی بابەتی هاوتاكردنی مووچەی خانەنشینان لە هەرێمی كوردستان لەگەڵ هاوتاكانیان لە حكومەتی فیدراڵ بەگوێرەی یاسای خانەنشینی یەكگرتوو.
دووەم: خستنەڕووی ناوەڕۆکی كۆبوونەوەی هاوبەشی هەردوو حكومەتی فیدراڵ و حكومەتی هەرێمی کوردستان سەبارەت بە دەروازە سنوورییەكان
سێیەم: بەدواداچوونی بابەتی مووچەی مانگی شەشی مووچەخۆران و مووچەی مانگی پێنج و شەشی پێشمەرگە و ئاسایش.